看见自己看见你

版权声明：转载时请以超链接形式标明文章原始出处和作者信息及本声明
http://leilalueng.blogbus.com/logs/17268819.html

呢篇嘢，当然唔系讲父爱啦，起码唔系我享受到嘅父爱。识得我嘅人都知度啦，我Daddy唔同我一起住好耐啦。

其实呢几年，因为某D事，佢几乎同我麻麻地完全失去联络，失踪咗几年，当然连我都搵唔到佢啦。

不过奇异嘅事又发生啦，今个星期佢又突然出现，可能喺因为时间嘅流逝当初嘅决裂已经无咁犀利，又可能佢终于又重拾翻少少所谓嘅责任感，佢有车我翻学校，同埋同我讲--放假嘅时候就搬去同佢一起住啦。

你知唔知当我仲喺十几岁嘅时候，呢句话绝对会令我喊到Fi哩fei咧，不过当我过咗我廿一岁生日嘅依家，呢句话已经无意义。

由六岁到廿一岁，我已经知道，习惯无父亲呢个角色存在喺我嘅生活入面。

得之，我幸；失之，我命。

所以以前睇十四岁的妈妈嘅时候，我喺绝对反对佢讲嘅BB生出来嘅。因为当你连自己都唔成熟，都要依靠人地，都唔可以控制自己嘅生活嘅时候，生BB绝对喺一种关乎无视人地生命嘅任性。

本身我以为我一世都听唔到嘅呢句话，居然可以听到，只不过我嘅反应已经唔系当初咁，所以当爪问我有咩感想嘅时候，我话无感想，而后，我为自己嘅无感觉悲哀。

其实，都喺影响到了，如果唔系，我就唔会又开始惗翻起以前嘅嘢。

原来喺我生命中阴魂不散嘅一种纠结，喺叫父爱，或者喺我当初渴望嘅父爱。