看见自己看见你

版权声明：转载时请以超链接形式标明文章原始出处和作者信息及本声明
http://leilalueng.blogbus.com/logs/11842095.html

套用一句爪爪嘅话，我最近恩格尔系数好高啊！零用钱基本都用来祭五脏庙啦！本来仲惗住可以存钱去买下其他嘢，点知。。。。。。

好，上个星期，我同Sofia去咗佢地都话好好嘅oggi，一间喺建四嘅意大利餐厅，我本身游说过爪爪好多次叫佢陪我去，点知依个麻烦女人成日话穷，唔肯陪我去。

一间细细嘅餐厅，喺建四，格调好唔错，但系我一定要讲，我地宿舍每去一次，佢都升一次价！而且最令人气愤嘅喺，佢唔接受定位。我地嘅圣诞大餐，我感觉希望渺茫啦~

因为果度嘅嘢饮都几贵，所以我就饮杯平平嘅特浓咖啡。

经过漫长嘅等待，侍应送来一个细细嘅杯仔，就好似出边嘅糖浆咁大杯啦，我以为喺糖浆架，点知一睇，居然就系杯咖啡！而且仲净得小于半杯！！！我第一个反应就系，试饮咋嘛！而且真系仲细杯过我地宿舍楼下派嘅试饮啰！但系，好彩佢内涵都好好，果然喺好浓缩，虽然我喺回程嘅车上就攰到好想瞓，但系佢真系好咖啡嘅。

不过最值得推荐嘅，喺千层面！热辣辣，芝士条条丝拉出来，好味道！PIZZA我地加咗cheese，真系好好味。不过唔知喺咪佢地嘅刀太钝，我觉得要保持淑女风度咁食真系好困难啰~

食饭嘅时候，我同Sofia喺度惗紧仲伟合讲嘅做一个翻译要注重餐桌礼仪，而且仲要好慎重咁选择食嘅嘢，因为要随时随地可以翻译。望住D刀刀叉叉，突然觉得前途好渺茫啊！

喺建六仲见到好多间想去试一试嘅餐厅，希望可以慢慢去试下啦。